கிழக்கிலங்கையின் வரலாற்றுசிறப்புமிக்க மாமாங்கேஸ்வரர் தீர்த்தோற்சவம்

கிழக்கிலங்கையின் வரலாற்று சிறப்புமிக்க மட்டக்களப்பு அமிர்தகழி ஸ்ரீமாமாங்கேஸ்வரர் ஆலயத்தின் ஆடி அமாவாசை தீர்த்தோற்சவம் பல்லாயிரக்கணக்கானர் புடைசூழ இன்று சனிக்கிழமை(11-08) முற்பகல் நடைபெற்றது.

 

மூர்த்தி,தலம்,தீர்த்தம் ஆகியனவற்றை ஒருங்கே கொண்ட வரலாற்றுசிறப்புமிக்க தலமாக ஸ்ரீமாமாங்கேஸ்வரர் ஆலயம் விளங்கிவருகின்றது.

இராம பிரானால் வழிபடப்பட்டதும் இலங்கையினை எரித்த அனுமான் தனது வாலின் தீயை அணைத்த இடம் என்ற சிறப்பினைக்கொண்ட மாமாங்கேஸ்வரர் ஆலயத்தின் வருடாந்த மஹோற்சவம் கடந்த வியாழக்கிழமை கொடியேற்றத்துடன் ஆரம்பமானது.

பத்து தினங்கள் நடைபெற்ற ஆலயத்தின் மஹோற்சவத்தில் நேற்று முன்தினம் வியாழக்கிழமை சப்புரத்திருவிழாவும் நேற்று தேர் உற்சவமும் நடைபெற்றது.

இன்று காலை மாமாங்கேஸ்வர மூர்த்திக்கு விசேட அபிசேக ஆராதனை நடைபெற்று திருப்பொற்சுண்ணம் இடிக்கும் நிகழ்வு நடைபெற்றது.

அதனை தொடர்ந்து வசந்த மண்;டபத்தில் எழுந்தருளிய மாமாங்கேஸ்வரனுக்கு விசேட பூஜைகள் நடைபெற்றதை தொடர்ந்து வெளிவீதி வந்த மாமாங்கேஸ்வரர் எருது வாகனத்தில் எழுந்தருளி தீர்த்தக்கரைக்கு சென்றார்.

தீர்த்தக்கரையில் நடைபெற்று விசேட பூஜைகள் மற்றும் அபிசேக ஆராதனையினை தொடர்ந்து பல்லாயிரக்கணக்கானோர் தீர்த்தக்கரையினை புடைசூழ தீர்த்தோற்சவம் சிறப்பாக நடைபெற்றது.

தாய்தந்தையரை இழந்தவர்கள் அவர்களின் ஆத்ம சாந்திக்காக பிதிர்க்கடன்களை தீர்க்கும் நிகழ்வுகளும் நடைபெற்றன.

இன்றைய தீர்த்தோற்சவத்தில் வடக்கு தெற்கு என நாட்டின் பல்வேறு பகுதிகளிலும் இந்து ஆயிரக்கணக்கான அடியார்கள் கலந்துகொண்டனர்.

maa 2

maa 2

maa 2

maa 2

maa 2

maa 2

maa 2

(வா.கிருஸ்ணகுமார்)

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • May 08 , 2018

    எழுந்தமானமாக நுண்கடன் வழங்குவதால் தேவையற்ற உயிரிழப்புகளும் சமுக சீர்கேடுகளும் தொடர்ந்து கொண்டிருக்கின்றன. அதனை இன்னமும் அனுமதிக்கமுடியாது. எனவே இனிமேல் காரைதீவுக்குள் எமது சிபார்சின்றி யாரும் நுண்கடன் வழங்கமுடியாது.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.