இந்திய அரசாங்கத்தினால் மட்டக்களப்பு மாவட்டத்தில் 3400 மலசலகூடங்கள்

இலங்கைக்கு இந்திய அரசாங்கத்தினால் தொடர்ந்தேர்ச்சியாக பல்வேறு உதவித்திட்டங்கள் வழங்கப்பட்டுக் கொண்டிருக்கின்றது. அதற்காக இலங்கை அரசாங்கமும் நாட்டு மக்களும் இந்திய அரசுக்கும் அந்நாட்டு மக்களுக்கும் நன்றி தெரிவிக்க வேண்டும்

என்று கடற்றொழில் நீரியல் வளங்கள் அபிவிருத்தி மற்றும் கிராமியப் பொருளாதார அபிவிருத்தி பிரதி அமைச்சர் எம்.எஸ்.எஸ். அமீர் அலி தெரிவித்தார்.

 

மட்டக்களப்பு மாவட்டத்தில் உள்ள மக்களின் சுகாதார நலனைக் கருத்திற் கொண்டு இந்திய அரசாங்கத்தினால் மூவாயிரத்து நானூறு மலசலகூடங்கள் அமைப்பதற்கான ஒப்பந்தம் இன்று (வியாழக்கிழமை) இந்திய உயர்ஸ்தானிகர் காரியாலயத்தில் இடம்பெற்றது. அதன் பின்னர் ஊடகங்களுக்குக் கருத்துத் தெரிவிக்கும்போதே பிரதி அமைச்சர் மேற்சொன்னவாறு தெரிவித்தார்.

அவர் தொடர்ந்து கருத்துத் தெரிவிக்கையில்,

நாட்டில் ஏற்பட்டிருந்த யுத்தம் மற்றும் சுனாமி அனர்த்தம் போன்றவற்றுக்குப் பின்னர் இந்திய அரசாங்கம் பல்வேறு உதவித்திட்டங்களை எமது நாட்டுக்கு வழங்கி இருக்கின்றது. எமது நாட்டுக்கு ஐம்பதாயிரம் வீடுகளை வழங்கியுள்ளார்கள். பாடசாலைகள் அமைத்தல், வைத்தியசாலைகள் அமைத்தல், மழை நீரைத் தேக்கி உற்பத்தியை மேம்படுத்தல் திட்டம் மற்றும் நாட்டிலே எல்லா பிரதேசங்களுக்கும் நோயாளிகளை எடுத்துச் செல்கின்ற அம்புலன்ஸ் திட்டத்தினையும் அறிமுகப்படுத்தியுள்ளார்கள்.

அதேபோன்று இன்றைய தினம் மட்டக்களப்பு மாவட்டத்தில் உள்ள மக்களின் சுகாதாரத்தை மேம்படுத்த வேண்டும் என்ற வேலைத்திட்டத்திற்கமைய முந்நூறு மில்லியன் ரூபா செலவில் மூவாயிரத்து நானூறு மலசலகூடங்கள் அமைப்பதற்கான புரிந்துணர்வு ஒப்பந்தம் கைச்சாத்திடப்பட்டுள்ளது. மிக விரைவிலே கடற்றொழில் நீரியல் வளங்கள் அபிவிருத்தி மற்றும் கிராமியப் பொருளாதார அபிவிருத்தி அமைச்சிற்கூடாகவும் இந்திய உயர்ஸ்தானிகர் ஆலயத்திற்கூடாகவும் இவ்வேலைத்திட்டங்கள் ஆரம்பிக்கப்படவுள்ளது. அதற்காக இந்திய நாட்டு அரசாங்கத்திற்கும் அந்நாட்டு மக்களுக்கும் இச்சந்தர்ப்பத்திலே நன்றிகளைத் தெரிவித்துக்கொள்வதாகவும் அவர் தெரிவித்தார்.

இந்திய உயர்ஸ்தானிகர் தரஞ்சித் சிங் சந்து மற்றும் கடற்றொழில் நீரியல் வளங்கள் அபிவிருத்தி மற்றும் கிராமியப் பொருளாதார அபிவிருத்தி அமைச்சின் செயலாளர் டீ.கே. ரேணுகா ஏக்கநாயக்க ஆகியோருக்கிடையில் புரிந்துணர்வு ஒப்பந்தம் இடம்பெற்றது. இதனடிப்படையில் இந்திய நாட்டின் முந்நூறு மில்லியன் ரூபா நிதி ஒதுக்கீட்டில் மூவாயிரத்து நானூறு மலசலகூடங்கள் மட்டக்களப்பு மாவட்டத்தில் உள்ள பதினான்கு பிரதேச செயலாளர் பிரிவுகளிலும் அமைக்கப்படவுள்ளதாக பிரதி அமைச்சர் எம்.எஸ்.எஸ். அமீர் அலி தெரிவித்தார்.

இந்நிகழ்வில் இந்திய உயர்ஸ்தானிகத்தின் உதவித் தூதுவர் அரிங்தம் பக்ச்சி, அமைச்சின் மேலதிகச் செயலாளர் எஸ். சேனாநாயக்க, திட்டப் பணிப்பாளர் திருமதி. ஏ.டீ. தஹநாயக்க, பிரதியமைச்சரின் பிரத்தியேகச் செயலாளர் எஸ்.எம். தௌபீக் மற்றும் இவ்வேலைத்திட்டத்திற்கான திட்ட இணைப்பாளர் ஏ.எச்.எம். அன்வர் உள்ளிட்ட பலரும் கலந்துகொண்டனர்.

toi 1

toi 1

toi 1

toi 1

toi 1

toi 1

(முர்ஷிட்)

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • Apr 18 , 2018

    2017ம் ஆண்டு நடைபெற்று முடிந்த கல்விப்பொதுச்சாதாரணதரப் பரீட்சையில் பட்டிருப்பு வலயத்தின் மண்டூர் 13 விக்னேஸ்வரா மகா வித்தியாலய மாணவர்கள் 37பேர் தோற்றி 33 மாணவர்கள் கல்விப் பொதுத்தராதர உயர்தரம் கற்பதற்குத் தகுதிபெற்றுள்ளனர். அதேவேளை கடந்த நான்கு வருடங்களாக இப்பாடசாலை மாணவர்கள் சித்திரப்பாடத்தில் தோற்றி 100 சதவீதச் சித்தியினைப் பெற்றுச் சாதனை படைத்துள்ளதுடன் இவ்வருடமும் 09A 10B 14C 4S என்னும் சித்திகளைப் பெற்று தங்களின் தொடர் சாதனையைத் தக்கவைத்துள்ளனர்.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.