காணாமல் ஆக்கப்பட்ட கணவனை தேடும் பெண் மீது தாக்குதல்

அண்மையில் ஜெனிவாவிற்கு சென்று திரும்பிய கிழக்கு மாகாணத்தை சேர்ந்த காணாமல் ஆக்கப்பட்டோரின் செயற்பாட்டாளரும் காணாமல் ஆக்கப்பட்டவரின் மனைவியுமான பெண் ஒருவர் மீது இனம்தெரியாத நபர்களினால் தாக்குதல் முயற்சி ஒன்று மேற்கொள்ளப்பட்டுள்ளது.

ஜெனிவாவிற்கு சென்றிருந்த குறித்த பெண் இந்த வாரம் மீண்டும் நாடு திரும்பியுள்ளார் இந்த நிலையில் கடந்த 6 ஆம் திகதி அவரது வீட்டிற்கு சென்ற புலனாய்வு பிரிவினர் ஜெனிவாவில் பேசிய விடயம் தொடர்பில் கேட்டுள்ளனர். ஏன்? ஜெனிவாவிற்கு சென்றீ்ர்கள், அங்கு என்ன பேசியினீர்கள்? என்று புலனாய்வு பிரிவினர் கேள்வி எழுப்பியுள்ளனர். இதன்போது குறித்த பெண், காணாமல் ஆக்கப்பட்ட தனது கணவர் குறித்து பேசியதாக தெரிவித்துள்ளார்.

இதனையடுத்து, ஜெனிவாவில் பேசிய அனைத்தையும் கூறுமாறு பத்திரிகையில் வெளியாகிய செய்தி, புகைப்படம் மற்றும் காணொளிகளை காண்பித்து அச்சுறுத்தும் விதமாக அனைத்து தகவல்களையும் பெற்று சென்றிருந்தனர்.

இந்த நிலையில், நேற்று (10) குறித்த பெண் மற்றும் அவரது மகனும் சைக்கிளில் சென்றுகொண்டிருந்தபோது கறுப்பு தலைக்கவசம் அணிந்து முகத்தை மறைத்திருந்த இருவர் குறித்த பெண் மற்றும் மகன் பயணித்த சைக்கிள் மீது இரும்பு கம்பியினால் தாக்குதல் நடத்தியுள்ளனர், இதன்போது இருவரும் நிலைதடுமாறி வீழ்ந்துள்ளனர் எனினும் பாதிப்பு எவையும் ஏற்படவில்லை என்பது குறிப்பிடத்தக்கது.

செய்தி மூலம் - தமிழ் கார்டியன், மொழிபெயர்ப்பு - ஞா.பிரகாஸ்.

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.

  • May 08 , 2018

    எழுந்தமானமாக நுண்கடன் வழங்குவதால் தேவையற்ற உயிரிழப்புகளும் சமுக சீர்கேடுகளும் தொடர்ந்து கொண்டிருக்கின்றன. அதனை இன்னமும் அனுமதிக்கமுடியாது. எனவே இனிமேல் காரைதீவுக்குள் எமது சிபார்சின்றி யாரும் நுண்கடன் வழங்கமுடியாது.