கட்டுநாயக்காவில் தங்க பிஸ்கட்களுடன் கல்முனையை சேர்ந்த நபர் கைது

சட்ட விரோதமான முறையில் ஒரு தொகை தங்க பிஸ்கட்டை இலங்கைக்கு கடத்திவர முயன்ற இலங்கை பிரஜையொருவரை கட்டுநாயக்க சர்வதேச விமான நிலையத்தில் வைத்து சுங்க அதிகாரிகள் கைதுசெய்துள்ளனர். 

இவ்வாறு கைதுசெய்யப்பட்டவர் கல்முனையை சேர்ந்த 39 வயதானவராவார்.

குறித்த நபர் சுமார் பத்து வருடமாக கட்டாரில் அரச துறையில் கடமையாற்றியவர் என விசாரணைகளில் இருந்து தெரியவந்துள்ளது.

இன்று அதிகாலை 2.45 மணியளவில் கட்டாரிலிருந்து கட்டுநாயக்கா வந்த 668 என்ற விமானம் மூலம் குறித்த நபர் இலங்கைக்கு வந்துள்ளனர்.

குறித்த நபர் கட்டுநாயக்கா விமான நிலையத்திற்கு வந்து விமான நிலையத்திருந்து வெளியேறும் போது, அவர் மீது சந்தேகம் கொண்ட அதிகாரிகள், குறித்த நபர் வைத்திருந்த பயணப்பையை சோதித்த போது அதிலிருந்து சுமார் 5 தங்க பிஸ்கட்களை கைப்பற்றியதாக சுங்க அதிகாரிகள் தெரிவித்தனர்.

குறித்த நபரிடமிருந்து 291.55 கிராம் தங்க பிஸ்கட்டுகளை மீட்டுள்ளதாகவும் இவ்வாறு மீட்கப்பட்ட தங்க பிஸ்கட்டுகளின் பெறுமதி சுமார் 17 இலட்சத்து 49 ஆயிரத்து 300 ரூபாவெனவும் அதிகாரிகள் தெரிவித்தனர்.

குறித்த சம்பவம் தொடர்பாக மேலதிக விசாரணைகளை பொலிஸார் மேற்கொண்டு வருகின்றனர்.

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • May 08 , 2018

    எழுந்தமானமாக நுண்கடன் வழங்குவதால் தேவையற்ற உயிரிழப்புகளும் சமுக சீர்கேடுகளும் தொடர்ந்து கொண்டிருக்கின்றன. அதனை இன்னமும் அனுமதிக்கமுடியாது. எனவே இனிமேல் காரைதீவுக்குள் எமது சிபார்சின்றி யாரும் நுண்கடன் வழங்கமுடியாது.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.