மட்டக்களப்பைச் சேர்ந்த சிவ்வெஸ்டருக்கு சமாதான இடைத்தரகருக்கான கௌரவப் பட்டம்

மட்டக்களப்பு மனிதநேய அமைப்புகளின் ஒன்றியத்தின் (CHA) மாவட்ட அலுவலராக பணியாற்றிவந்த சொலமன் பசில் சிவ்வெஸ்டருக்கு சமாதான இடைத்தரகருக்கான கௌரவப்பட்டம் வழங்கிக் கௌரவிக்கப்பட்டுள்ளது.

மட்டக்களப்பு விபுலானந்தா இசை, நடனக் கல்லூரியில் கடந்த வாரத்தில் நடைபெற்ற இவ்வைபவமானது யுத்தகாலத்தில் சமாதானத்தை வலியுறுத்தி, மூவினமக்களையும், குழுக்களையும் அரசாங்கம், அரச சார்பற்ற நிறுவனங்கள், சிவில் சமூகங்களை ஒருங்கிணைப்பதிலும் மனித நேய பணியிலும் ஈடுபட்டிருந்தமைக்காக இக்கௌரவப் பட்டம் வழங்கப்பட்டதுடன், புத்தகமும் வெளியிட்டு வைக்கப்பட்டது.

இக்கௌரவப் பட்டத்தை எஸ்.ஓ.ஏ.எஸ் பல்கலைக் கழகம் லண்டன், பொசிரிவ் நெகரிவ், பாத் பல்கலைக்கழகம், சர்வசேத எச்சரிக்கை, வறுமை ஆராய்ச்சி நிலையம் இலங்கை, மார்டீன் சத்துரற்றி ஆகிய நிறுவனங்கள் இணைந்து இப் பட்டத்தினை வழங்கியுள்ளன.

இதற்கான அனுசரணையினை ஈஎஸ்.ஆர்.சி பொருளாதார மற்றும் சமூக ஆய்வுக்கான மன்றம், கலை மற்றும் மனிதாபிமான ஆய்வு மன்றம் ஆகியன வழங்கியுள்ளன.

இப் பட்டத்தினை லண்டன் எஸ்.ஓ.ஏ.எஸ். பல்கலைக்கழக அபிவிருத்திக் கற்கைகள் பிரிவின் பேராசிரியர் ஜொனததன் குட்கான்ட், பாத் பல்கலைக்கழகத்தின் சமூக மற்றும் அரசியல் விஞ்ஞான அலகின் கலாநிதி ஒலிவர் வால்ரன் ஆகியோர் வழங்கிவைத்தனர்.

இவ்வாய்வானது 2016 ஃ 2017ம் ஆண்டில் இலங்கை, நேபாளம் ஆகிய இரு நாடுகளிலும் நடத்தப்பட்டு அதன் பிரகாரம் இக் கௌரவப் பட்டமானது வழங்கப்பட்டது.
யுத்தகாலத்தில் இவர் ஆற்றிய பணி மிக முக்கியத்துவம் பெற்றிருந்தது. என்ற அடிப்படையில் இக் கௌரவப்பட்டம் வழங்கப்பட்டுள்ளது.

இவருடன் இணைந்து உள்ளுர் அரசசார்பற்றநிறுவனங்கள், சிவில் சமூகஅமைப்புக்கள், தேசியமட்டஅரசசார்பற்றநிறுவனங்கள், வெளிநாட்டுஅரசசார்பற்றநிறுவனங்கள், ஐக்கியநாடுகளின் அமைப்புக்கள் ஃபிரதிநிதிகள், சர்வதேச செஞ்சிலுவை அமைப்பு ஆகிய நிறுவனங்கள் பணிபுரிந்துள்ளன என்பதுகுறிப்பிடத்தக்கது.

சொலமன் பசில் சிவ்வெஸ்டர் சமாதான செயலகத்தால் மட்டக்களப்பு மாவட்டத்தில் நடைபெற்ற கூட்டங்களுக்கான இணைப்பாளராகவும், 2006ம் ஆண்டு ஆடி மாதம் 14ம் நாள் மட்டக்களப்புமாவட்டத்தில் அனைவரையும் ஒன்றிணைத்து யுத்தத்தை எதிர்த்து சமாதானத்தை வலியுறுத்தி மனிதச் சங்கிலி போராட்டம் ஒன்றினை நடாத்தி வெற்றிகண்டவர்.

வெகு நாட்களாக தடைப்பட்டிருந்த மட்டக்களப்பு கொழும்பு புகையிரத சேவையினை உரிய அமைச்சுடன் கூட்டங்களை நடாத்தி,சேவையை ஆரம்பித்ததில் முக்கிய பங்கை வகித்தவர் , ஜப்பான் – சமாதானத்திற்கான தூதுவர் யசூசி அகாசி மட்டக்களப்பு மாவட்டத்திற்கு விஜயம் செய்திருந்த சமயத்தில் சிவில் சமூக அமைப்பின் சார்பாகஅவரைவரவேற்று மாவட்ட செயலகத்தில் நடத்தப்பட்ட கூட்டத்தில் மண்முனைப் பாலத்தினை அமைப்பதற்கான கோரிக்கை மனு ஒன்றினைக் கொடுத்துஅதற்கான ஒப்புதலையும் பெற்றார்.

இனங்களுக்கிடையிலான உறவுப் பாலத்தினை உருவாக்கி மாவட்ட சமூக பாதுகாப்பு வலயம் ஒன்றினை அமைத்து நிறுவனங்களின் ஒத்துழைப்புடன் உருவாக்கியவர். போரினால் பாதிக்கப்பட்ட மக்களுக்கான நிவாரண உதவிகளை நிறுவனங்கள் ஊடாக பெற்றுக்கொடுப்பதற்கு உதவியவர். இவர் மனிதநேய கூட்டமைப்பு பிராந்திய அனர்த்த முகாமைத்துவ இணைப்பாளராகவும் சமாதானத்துக்கும் அகிம்சைக்குமான அமையத்தின் தலைவர்., மட்டக்களப்பு மாவட்ட அரச சார்பற்ற நிறுவனங்கள், சிவில் அமைப்புக்களின் தலைவராகவும் பதவிவகிக்கின்றார்.

இக்கௌரவப் பட்டமானது இலங்கை வரலாற்றில் முதன்முறையாக ஒருவருக்குக் கிடைத்துள்ளது என்பதுடன் அதுவும் ஒரு தமிழர் (மட்டக்களப்பு) பெற்றுள்ளது குறிப்பிடத்தக்கதாகும்.
இவ்வைபவமானது கொழும்பு மற்றும் லண்டன் ஆகிய இடங்களில் கடந்த மேமாதம் நடைபெற்றிருந்தமை குறிப்பிடத்தக்கது.

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • Apr 18 , 2018

    2017ம் ஆண்டு நடைபெற்று முடிந்த கல்விப்பொதுச்சாதாரணதரப் பரீட்சையில் பட்டிருப்பு வலயத்தின் மண்டூர் 13 விக்னேஸ்வரா மகா வித்தியாலய மாணவர்கள் 37பேர் தோற்றி 33 மாணவர்கள் கல்விப் பொதுத்தராதர உயர்தரம் கற்பதற்குத் தகுதிபெற்றுள்ளனர். அதேவேளை கடந்த நான்கு வருடங்களாக இப்பாடசாலை மாணவர்கள் சித்திரப்பாடத்தில் தோற்றி 100 சதவீதச் சித்தியினைப் பெற்றுச் சாதனை படைத்துள்ளதுடன் இவ்வருடமும் 09A 10B 14C 4S என்னும் சித்திகளைப் பெற்று தங்களின் தொடர் சாதனையைத் தக்கவைத்துள்ளனர்.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.