கிழக்கில் 12 உதவிக்கல்வி பணிப்பாளர்களுக்கு நியமனம்

கிழக்கு மாகாணத்தில் கல்வித்தரத்தை மேம்படுத்தும் நோக்கில் 12 உதவிக்கல்வி பணிப்பாளர்களுக்கு நியமனம் வழங்கும் நிகழ்வு கிழக்கு மாகாண ஆளுநர் ரோஹித போகொல்லாகமவினால் கடந்த வௌ்ளிக்கிழமை (08) வழங்கி வைக்கப்பட்டது.

கிழக்கு மாகாணத்தில் தமிழ் மொழி மூலம் 10 பேருக்கும் சிங்கள மொழி மூலமாக இருவருக்கும் இந்நியமனம் வழங்கி வைக்கப்பட்டதும் குறிப்பிடத்தக்கது.

இந்நிகழ்வின் போது கிழக்கு மாகாண ஆளுநர் செயலாளர் அசங்க அபேவர்தன கிழக்கு மாகாண கல்வி அமைச்சின் செயலாளர் ஜே.கே.ஜி.முத்துபண்டா மற்றும் இணைப்புச்செயலாளர் நிமால் சோமரத்ன ஆகியோர் கலந்து கொண்டனர்.

இதன் போது நியமனம் பெறுபவர்களுடன் உரையாற்றும் போது கிழக்கு மாகாண ஆளுநர் ரோஹித போகொல்லாகம

இலங்கையில் கல்வித்துறையில் கிழக்கு மாகாணம் ஒன்பதாவது இடத்தில் இருப்பதாகவும் எதிர்வரும் காலங்களில் அரசாங்கத்தினால் முன்னெடுக்கப்படும் கணிப்பீடு நிகழ்ச்சியின் போது கிழக்கு மாகாணம் கல்வித்துறையில் முன்னேற்றம் கண்டுள்ளதாக அறிவிக்கப்பட வேண்டுமெனவும் நியமனம் பெறுபவர்கள் மிக கரிசனையுடன் கடமையாற்ற வேண்டுமெனவும் ஆளுநர் ரோஹித போகொல்லாகம இதன் போது கோரிக்கை விடுத்தார்.

கிழக்கு மாகாணத்தில் கல்வி நிர்வாக சேவை போட்டிப்பரீட்சையில் சித்தியடைந்த உங்களுக்கு நன்றிகளை தெரிவித்துக்கொள்வதாகவும் கிழக்கு மாகாண கல்வி அபிவிருத்தி நடவடிக்கைக்காக தன்னுடன் இனைந்து செயற்படுமாறும் ஆளுநர் குறிப்பிட்டார்.

DSC 0487

(அப்துல் சலாம் யாசீம்)

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • May 08 , 2018

    எழுந்தமானமாக நுண்கடன் வழங்குவதால் தேவையற்ற உயிரிழப்புகளும் சமுக சீர்கேடுகளும் தொடர்ந்து கொண்டிருக்கின்றன. அதனை இன்னமும் அனுமதிக்கமுடியாது. எனவே இனிமேல் காரைதீவுக்குள் எமது சிபார்சின்றி யாரும் நுண்கடன் வழங்கமுடியாது.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.