பெரியநீலாவணை முதலாம் வட்டாரத்தில் நூலகத்தை அமைக்க ஜனாதிபதி செயலகம் துரித நடவடிக்கை

கல்முனை மாநகரசபை பிரிவுக்குட்பட்ட பெரியநீலாவணை கிராமத்தில் நவீன வசதிகளுடன் கூடிய தரமான நூலகத்தை அமைப்பதற்கு ஜனாதிபதி செயலகம் துரித நடவடிக்கை எடுத்துள்ளதாக கல்முனை மாநகரசபை உறுப்பினர் எஸ்.குபேரன் தெரிவித்தார்.

2500மேற்பட்ட குடும்பங்களை சேர்ந்த 6000 குடும்பங்கள் வாழும் பெரியநீலாவணையில் நீண்டகாலமாக பொதுநூலகம் இல்லாமல் இருந்துவந்துள்ளமை குறிப்பிடத்தக்கதாகும்.

இதுசம்பந்தமாக பிரதேசத்தில் உள்ள ஊடகவியலாளர்கள், பொது அமைப்புக்கள் சுட்டிக்காட்டி பத்திரிகைகளில் செய்தி வெளியிடப்பட்டமையாகும்.பத்திரிகைகளின் செய்தியினை ஜனாதிபதி ஊடகப்பிரிவின் பார்வைக்கு செலுத்தப்பட்டது.

இந்தவிடயமாக ஜனாதிபதி செயலகம் கவனம் செலுத்தப்பட்டது.ஜனாதிபதி செயலகம்,ஜனாதிபதி ஊடகப்பிரிவு பெரியநீலாவணையில் பொதுநூலகம் ஒன்றை அமைத்துக் கொடுப்பதற்குரிய நடவடிக்கையை கிழக்கு மாகாண ஆளுநர் ரோஹித போகல்லாகம அவர்களிடம் எட்டிவைத்தது.

இதற்கான துரித நடவடிக்கையை கல்முனை மாநகரசபை சபை மேயரிடம் ஆளுநர் ரோஹித போகல்லாகம பணித்துள்ளார்.இதன் பிரகாரம் கல்முனை மாநகரசபை அறிந்து, ஆராய்ந்து வருகின்றது.இதனால் பெரியநீலாவணை கிராமத்தில் உள்ள பொதுமக்கள்,மாணவர்கள் நன்மையடைவார்கள் என எதிர்பார்க்கப்படுகின்றது.

நூலகம் அமைப்பதற்கு கரிசனை காட்டிய ஜனாதிபதி செயலகம்,கிழக்கு மாகாண ஆளுநர், ஜனாதிபதி ஊடடகப்பிரிவுக்கும்,பிரதேச ஊடகவியலாளர்களுக்கும் பெரியநீலாவணை பொதுமக்கள்,அமைப்புக்களின் பிரதிநிதிகள் நன்றிகளையும் ,பாராட்டுக்களையும் தெரிவிக்கின்றார்கள்.எடுத்துள்ளது

(வெல்லாவெளி தினகரன் நிருபர்-க. விஜயரெத்தினம்)

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • May 08 , 2018

    எழுந்தமானமாக நுண்கடன் வழங்குவதால் தேவையற்ற உயிரிழப்புகளும் சமுக சீர்கேடுகளும் தொடர்ந்து கொண்டிருக்கின்றன. அதனை இன்னமும் அனுமதிக்கமுடியாது. எனவே இனிமேல் காரைதீவுக்குள் எமது சிபார்சின்றி யாரும் நுண்கடன் வழங்கமுடியாது.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.