சிகரங்களின் சமர் மட்டக்களப்பு சிவானந்தா விளையாட்டு மைதானத்தில் ஆரம்பமானது

சிகரங்களின் சமர் என வர்ணிக்கப்படும் மட்டக்களப்பு இந்துக்கல்லூரிக்கும் மட்டக்களப்பு பெரியகல்லாறு மத்திய கல்லூரிக்கும் இடையிலான “சிகரத்தினை நோக்கி” கிரிக்கட் சமர் இன்று சனிக்கிழமை காலை ஆரம்பமானது.

 

2011ஆம் ஆண்டு ஆரம்பிக்கப்பட்ட இந்த சிகரத்தினை நோக்கி பிக் மெட்ஸ் சிகரங்களின் என வர்ணிக்கப்படுவதுடன் மட்டக்களப்பு கிரிக்கட் ரசிகர்களை வெகுவாக கவர்ந்த ஒரு போட்டியாகவும் இருந்துவருகின்றது.

இன்று காலை 8.30மணியளவில் மட்டக்களப்பு,கல்லடி உப்போடை சிவானந்தா தேசிய பாடசாலை விளையாட்டு மைதானத்தில் இந்த கிரிக்கட் போட்டி ஆரம்பமானது.

ஏழு ஆண்டுகளாக நடைபெற்ற ஏழு போட்டியில் நான்கு போட்டியில் மட்டக்களப்பு இந்துக்கல்லூரியும் மூன்று போட்டிகளில் மட்டக்களப்பு பெரியகல்லாறு மத்திய கல்லூரியும் வெற்றிபெற்றுள்ளது.

எட்டாவது போட்டியாக இன்று நடைபெறும் இந்த போட்டியின் ஆரம்பநிகழ்வானது மட்டக்களப்பு இந்துக்கல்லூரி அதிபர் எஸ்.டி.முரளிதரன் தலைமையில் நடைபெற்றது.

இந்த ஆரம்ப நிகழ்வுக்கு பிரதம அதிதியாக மட்டக்களப்பு மாநகரசபை முதல்வர் தி.சரவணபவன் கலந்துகொண்டார்.

பிரதி முதல்வர் க.சத்தியசீலன்,மட்டக்களப்பு வலய கல்வி பணிப்பாளர் கே.பாஸ்கரன்,பட்டிருப்பு வலய கல்வி பணிப்பாளர் சுகிர்தகுமார்,மட்டக்களப்பு மாநகரசபை உறுப்பினர்களான மதன்,பூபால்,ரூபராஜ் ஆகியோர் கலந்துகொண்டனர்.

போட்டியின் ஆரம்பத்தில் வீரர்கள் வரவேற்கப்பட்டு உடற்பயிற்சி கண்காட்சி நடைபெற்றதுடன் வீரர்கள் அறிமுகவுடன் கிரிக்கட்போட்டி ஆரம்பமாகி நடைபெற்றுவருகின்றது.

மட்டக்களப்பு பெரியகல்லாறு மத்திய கல்லூரி 50ஓவர்கள் நிறைவில் அனைத்து விக்கட்டுகளையும் இழந்து 176 ஓட்டங்களைப்பெற்றுள்ளது.

si 2

si 2

si 2

si 2

si 2

si 2

si 2

si 2

si 2

si 2

si 2

(வா.கிருஸ்ணகுமார்)

அதிகம் வாசித்தவை

  • Apr 16 , 2018

    விளம்பிவருட சித்திரைப் புத்தாண்டை முன்னிட்டு காரைதீவு விளையாட்டுக்க ழகம் நேற்று (15) நடாத்திய சித்திரைப் புத்தாண்டு விளையாட்டு விழாவில் வழுக்குமரமேறிய வீரரொருவர் திடிரென கைதவறியதால் எவரும் எதிர்பாராத வகையில் தரையில் வீழந்து துடிதுடித்தார். இவ்விபத்துச்சம்பவம் காரைதீவு கனகரெத்தினம் விளையாட்டரங்கில் நேற்று (15) நடைபெற்ற சித்திரைப் புத்தாண்டு கலாசார விளையாட்டு விழாவில் இடம்பெற்றது.

  • Aug 13 , 2017

    அம்பாறை வீரமுனையில் 232 இற்கும் அதிகமான தமிழ் மக்கள் கொன்று குவிக்கப்பட்டு இன்றுடன் 27 ஆண்டுகள் நிறைவை நினைவு கூர்ந்து நேற்றைய தினம் வீரமுனையில் அமைந்துள்ள நினைவுத்தூபிக்கு முன்னால் அஞ்சலி நிகழ்வுகள் இடம்பெற்றன.

  • Apr 25 , 2018

    12ஆம் நூற்றாண்டுக்குரிய சோழர் காலத்திற்குரியதென நம்பப்படும் புராதன ஆலயமொன்று சிதைந்த நிலையில் மடத்தடியில் கண்டுபிடிக்கப்பட்டுள்ளது. அம்பாறை மாவட்டத்தின் நிந்தவூர் பிரிவிலுள்ள மாட்டுப்பளை எனுமிடத்தில் வயல்வெளிகளால் சூழப்பட்டு மனோரம்மியமான சோலைக்கு மத்தியில் அமைந்துள்ள மடத்தடி மீனாட்சி அம்மனாலயத்திற்கு அருகில் இப்புராதன ஆலயம் அமையப்பெற்றிருக்கிறது. இலங்கையின் மிகவும் தொன்மைவாய்ந்த மடத்தடி மீனாட்சிஅம்மன் ஆலயம் மாட்டுப்பழையில் அமைந்திருப்பது குறிப்பிடத்தக்கது. வெகுவாகச் சிதைந்த நிலையில் வயல்வெளிக்கு மத்தியிலுள்ள பரந்த மேட்டு நிலப்பகுதியில் காடுமண்டி இவ்வாலயம் காணப்படுகின்றது. 

  • Apr 18 , 2018

    2017ம் ஆண்டு நடைபெற்று முடிந்த கல்விப்பொதுச்சாதாரணதரப் பரீட்சையில் பட்டிருப்பு வலயத்தின் மண்டூர் 13 விக்னேஸ்வரா மகா வித்தியாலய மாணவர்கள் 37பேர் தோற்றி 33 மாணவர்கள் கல்விப் பொதுத்தராதர உயர்தரம் கற்பதற்குத் தகுதிபெற்றுள்ளனர். அதேவேளை கடந்த நான்கு வருடங்களாக இப்பாடசாலை மாணவர்கள் சித்திரப்பாடத்தில் தோற்றி 100 சதவீதச் சித்தியினைப் பெற்றுச் சாதனை படைத்துள்ளதுடன் இவ்வருடமும் 09A 10B 14C 4S என்னும் சித்திகளைப் பெற்று தங்களின் தொடர் சாதனையைத் தக்கவைத்துள்ளனர்.

  • May 12 , 2018

    இலங்கையில் அம்பாறை மாவட்டம் மாட்டுப்பளை பகுதியிலுள்ள ஸ்ரீ மீனாட்சியம்மன் ஆலயத்துக்கு அருகில் சிதைந்த நிலையில் காணப்படும் கட்டடப் பகுதி, சோழர் காலத்தில் நிர்மாணிக்கப்பட்ட இந்து ஆலயமாக இருக்கக் கூடும் எனும் நம்பிக்கை, அப்பகுதி தமிழர்களிடையே வலுப்பெற்று வருகிறது.